مين انا يارب

مين انا يارب ياخالق الكون مين انا يارب وقلبى مليان اشجان مين انا يارب قلبى محروم من الحنان

بدور على نفسى ومش لاقياها بدور على عمرى المسروق منى ومش لاقياة مين انا يارب

مخلوقة فى دنيا الاحزان مخلوقة فى دنيا الاغراب مخلوقة فى دنيا العذاب

هى دى الدنيا اللى خلقتها يارب لا مش معقولة لا مش مصدقة انت خلقت دنيا حلوة دنيا امل

دنيا مليانة حب وامان وحنان بى ايد مين اتغيرت بايدك انت لا مافيش حد بيخلق الحب ويرزع معاة الكراهية

مافيش حد بيخلق الامان ويزرع معاة الخوف مافيش حد بيخلق الفرحة ويزرع معاها الاحزان

مين انا يارب مش عارفة بقيت عايشة فى كوكب الاشجان كوكب الخوف من بكرة كوكب الحقد والحسد

على ضحكة حتى لو ثوانى فين يارب الحب فين الامان مش لاقية كل دول مين انا يارب ماشية فى طريق مليان

اشواك لا لاقية اللى بيسمع ولو سمع لا يفهم ولا فهم لا يحس حصل لينا اية يابشر اللة من عايز كدة

لكن البشر عايزة كدة مش عايزة حب مع بعضهم عشان حبيبهم عايز الكراهية تدوم للابد

مش عايزة امان لان حبيبهم زارع فيهم الخوف من بكرة وايامهم اللى جاية

مش عايزيين يعيشوا حياة الاقتناع لان حبيبهم عايزهم يحقدوا دايما على كل شىء مش فى ايدهم

مين انا يارب بكلمك فى كل دقيقة لا فى كل ثانية عشان تطمنى وتملانى محبة وامان مش عايزة اكرهة حد

ولا احسد حد ولا اعاتب حد ولا اشكك فى حد ومين انا عشان اشكك واحكم على انسان انت خلقتة

بصورتك خلقتة انسان كامل مافيش فية عيب لكن للاسف هو ملا نفسة عيوب

عايشة ومش عايشة عايشة لكن فى الحقيقة انا ميتة الضحكة مرسومة  على الوش بس لكن من غير

طعم بضحك الناس وانا محرومة منها بفرح الناس وانا محرومة من الفرحة ومش زعلانة من كدة

انت يارب علمتنى احب واللى يحب يعمل كل حاجة حلوة عشان اللى حوالية يكونوا فى قمة السعادة

بعمل كل دة وانا مبسوطة ومش مستنية مقابل من حد لان مافيش حد يعمل الخير ويستنى المقابل

من صغرى وانا عايشة فى همى زى مايكون دة قدرى ونصيبى انى اعيش طول عمرى ادى من غير مااخد

ازرع من غير ماحصد وشكراك وحمداك يارب وبقول مش عايزة حاجة من الدنيا انت بس اللى لية

بس الظلم كتر علية حتى من اقرب الناس لية وهى دى اكتر حاجة بتوجعنى  لما تييجى من اقرب الناس لية

مافيش حد يارب عايز محبة لية مافيش حد عايز امان لية لية مسلم حياتة لعدو الخير لية

كل اللى يلاقى فرصة يدوس على اللى حوالية وعايز يعيش هو وبس لكن الباقى مايهمهوش فى شىء

هو دة العدل اللى فى الدنيا يارب لا مش هو احنا اللى  نزعنا العدل والرحمة وزرعناا الظلم فى الدنيا

انت خلقت الانسان حر يختار اللى عايزة وهو يتحمل النتيجة بس للاسف ناس كتير فاهمة الحرية غلط

بتشكل الدنيا زى ماهى عايزة او بمعنى تانى على هواها لا يارب مش هى دى الحرية اللى انا عايزاها

نفسى فى مكان تانى مليان  محبة وافراح بعيدة عن الهموم والجراح نفسى يارب

مين انا يارب