زوجي و عناده

انا مشكلتي مسببه لي قلق كبير
انا وزوجي نحب بعض وعندي بنتين وولد حمدالله مرتاحه بس المشكله في مشاكل مالها داعي والله يابنات مايمر يومين الانحنا متهاوشين وزعلانين راحت حياتي كلها معه مشاكل انسان عنيد احس احيان مايحب الا نفسه احيان يجرحني بالكلام مايعجبه شي اسويه بالبيت كل شي يعلق عليه حتى احيان شغل البيت والمطبخ يتدخل فيه واذا هاوشته يقول هذا انتي اذا علمتك جلستي تهاوشين

طلعه مايطلعني ابد ابد ابد لازم هوووووشه ومشاكل من الى عشان الطلعه ولافي فايده مايطلع بيتووووتي بشكل موطبيعي حتى اهله ماينزل لهم الا في الاسبوع مره سلام ويطلع يقول لاتروحين لاحد ولاتنزلين لاحد اقطعي علاقتك مع الناس اذا شافني جالسه ع الجوال يعصب ويروح يفصل النت اخلص شغل البيت وانوم عيالي بجلس شوي ع الجوال اقرا جرايد شي يروح يفصل الواير لس

اذا طلبت منه عشا مليت من طبخ البيت قال هاتي فلوس مو بخل لا بس يقول انا معبي لك الثلاجه روحي اطبخي
وجواله ي بنات سالفته سالفه مايحبني امسكه حاط رقم سري وتهاوشت معه عالرقم السري ووقال هذا شي يخصني اناماتدخلت بجوالك ولاسئلتك عن لابتوبك حتى الابتوب حقه حاط له له رقم سري ومره جالس ع الابتوب حقه وقام طلع جيت جلست رجع جلس حسيت انه خايف اني افتشه وقفله وراح وانا مره قبل سنه فتشت جواله وشفت مقطع سكس قالي جاني بالغلط وجلس مايحط عينه بعيني وصدقته وفتشته مره ثانيه ولقيت مقطع سكس سئلته ليش ولا جاوب رغم اني مو مقصره بشي والي يطلبه اسويه وبزياده مره زعلت ونمت عند عيالي وارسل لي رساله تعالي نامي عندي وحاول انه يراضيني بس فتره ونرجع نتهاوش ماني عارفه وش الاسباب هو حنون وطيب ويحب عياله ون ناحية الفلوس مو مقصر ولا البيت المقصر بس في اشياء في حياتي مضايقتني اذا جلست معه لازم نتهاوش مايسولف معي ولايجلس معي الا لما يكون هو عنده مشكله بدوامه ويقولها لي ونحلها مع بعض طفشت وانا جالسه بالبيت لحالي رغم اننا حموله كبيره بس بيننا مشاكل حريم ولانتجمع ابد الا بالعيد واذا صار مشكله والا انه يدافع عني ويتهاوش معهم ويوقف بصفي

انا انسانه احب الوناسه والفله واهو انسان بيتوتي اخبار ودوام وونوم بس مافي شي جديد اذا قلتله ليش مانسافر قال ناحب ارتاح الا ببيتي اجلس بقلق لين ارجع البيت تعبت يبنات واللله العظيم تعبت صرت ماعاد اهتم فيه اخليه يروح الدوام بدووون فطور ولاعلي منه وهو ساكت ماقال شي مدري وش اسوي هو اكبر مني ب8 سنوات تاعبتني سالفة الجوال وسالفة الطلعه ودي اطلع اغير روتين البيت وقلتله قال الحرمة مالها الا بيتها
وششش اسوي يبناتضاقت فيني …