احب زوجي ام لا

عمري 31 سنه بشتغل طبيبه متزوجه من 6سنوات ولي طفلين تزوجت زوجي بيشتغل مهندس زواج صالونات عادي هو انسان طيب جدا لكنه مسرف جدا جدا المهم اني اكتشفت انه بيتعاطى الحشيش ومن حوالي 6شهور والده دخله مصحه لعلاج الادمان وواده اترجاني اني مااسيبوش وبصراحه انا وافقت عشان اولادي وهو وبقي كويس والحمدلله وهيخرج منها الشهر القادم لكن في اجازاته اللي بينزل منها اكتشفت انه زي ماهو غير مبالي غير متحمل للمسؤليه عارف اني انا بصرف خلاص لما بتكلم معاه في فكره شغله لما يخرج بيقولي ده لسه مش وقته انا بصراحه تعبت وفي فتره وجوده في المصحه انا اتبهدلت كتير انا وولاده كنت متوقعه انه هيكون على الاقل حاسس اني عملت حاجه علشانه مش هقول اني بمن عليه بس لقيته معاملته ليا زي الاول في الاول كانوا اصحابه اللي بيقعد معاهم اهم مني دلوقتي اصحابه اللي بيتعالج معاهم اهم بردو وانا لاني بخاف على مشاعره وبخاف اقول كلمه تجرحه بسكت وبستحمل بس تعبت ووالده ووالدته بيخافوا يتكلموا معاه عشان مايزعلش فبيكلموني انا الموضوع ده خلاني حساسه خالص حساسه من ناحيه اهله لو حد كلمني منهم ازعل واعملها شغلانه حساسه من ناحيه بابا وماما رغم انهم مايعرفوش حاجه وفاهمين انو شغال في محافظه تانيه وعندي احساس دائم اني تعبانه من تحمل مسؤليه العيال لوحدي المره الاخيره اللي كان فيها هنا انا قلت له انا الحمل بفي تقيل عليا اوي قال لي معلش وهانت قلت له انا محتاجه لدكتور نفسي قال لي ليه بعد الشر عليكي بس انا فعلا حاسه اني محتاجه لطبيب نفسي انا صح ولا غلط ولا مزوداها؟

اختي الدكتورةالمحترمة بارك الله فيك منزوجة مخلصةووفيةلزوجهاوتراعي الواجب اللي عليها وبنت اصول بحق انتي صح وكل ماعملتيه صح مليون مرة وكثرخيرك على اللي عملتيه ولازم المهندس الافندي زوجك يقدركلهذامش بالكلام لابدمن الفعل يتحرك يشوف له شغلانة محترمةتعيشوامنها خلاص ربناانعم عليه بالشفاءمن الهباب اللي كان يتعاطاه ويبص لبيته ومراته وولاده حرام عليه كلدا لابدان تضعي له حدود كي تحفظ بيتك وولادك وتامني مستقبلهم خل احدمن اهلك يتدخل في الموضوع لانوالظاهرانه مايسمعش كلام لامنك ولامن اهله واوعك تفرطي في حقوقك اوحقوق اولادك اوتتهاوني معه حتى يحس بعظم المسوولية اللي عليه كزوج واب والافخير العلاج لكم الطلاق وتاكدي انك مش خسرانه لوتطلقت هوالخاسرالوحيد انتي دكتورةوالف من يتمنى الزواج بك وانااولهم اذاوافقت على الزواج

الأخت الفاضلة صاحبة السؤال – انتي دكتورة ماشاء الله وهو مهندس يعني انتوا علية القوم – كل تصرفاتك واهتماماتك وجهودك من ناحيته اجعليها في سبيل الله – حددي مطالبك منه وبذكائك وفي ساعة رضا اطلبي منه طلباتك وحددي له خطوات التنفيذ وساعديه في تحقيق طلباتك تناقشي معه واسأليه عن كيفية تنفيذ طلباتك في سبيل العيش معا في سعادة – كل ذلك من خلال الاوقات السابقة للعلاقة الحميمة التي تجمع بينكما يعني عند تودده لكي – اتمني لكما السعادة وكل عام وانتم بخير

موضوع قيم منك