القانون الروحى

موضوع: القانون الروحى الخميس مايو 08, 2014 8:45 am

باسم الاب و الابن و الروح القدس الإله الواحد امين

الانسان كائن بجسد و روح و كل واحد فيهم له اتجاه عكس الثانى " لأَنَّ الْجَسَدَ يَشْتَهِي ضِدَّ الرُّوحِ وَالرُّوحُ ‍ضِدَّ الْجَسَدِ، وَهذَانِ يُقَاوِمُ أَحَدُهُمَا الآخَرَ، حَتَّى تَفْعَلُونَ مَا لاَ تُرِيدُون"َ غلاطية ٥:‏١٧ قوتين بينهم صراع مع ان القوتين مفيش بينهم اى تساوى" أَمَّا الرُّوحُ فَنَشِيطٌ وَأَمَّا ‍الْجَسَدُ فَضَعِيفٌ".متى ٢٦:‏٤١ و الكتاب المقدس بيعمل مقارنات بين الجسد والروح
"لأَنَّ اهْتِمَامَ ‍الْجَسَدِ هُوَ مَوْتٌ، وَلكِنَّ اهْتِمَامَ الرُّوحِ هُوَ حَيَاةٌ وَسَلاَمٌ "رومية ٨:‏٦ ، "لأَنَّ اهْتِمَامَ ‍الْجَسَدِ هُوَ عَدَاوَةٌ ِللهِ، رومية" ٨:‏٧ ، "فَالَّذِينَ هُمْ فِي ‍الْجَسَدِ لاَ يَسْتَطِيعُونَ أَنْ يُرْضُوا اللهَ " رومية ٨:‏٨ ،" لأَنَّهُ إِنْ عِشْتُمْ حَسَبَ ‍الْجَسَدِ فَسَتَمُوتُونَ، وَلكِنْ إِنْ كُنْتُمْ بِالرُّوحِ تُمِيتُونَ أَعْمَالَ ‍الْجَسَدِ فَسَتَحْيَوْنَ" رومية ٨:‏١٣ و واضح من المقارنات انه لازم الروح تنتصر على الجسد لكن السؤال المهم ازاى تغلب ؟
لازم الجسد يخضع للروح وده معناه ان الجسد يكون خاضع للروح و عشان كده معلمنا القديس بولس يقول " بَلْ أَقْمَعُ ‍جَسَدِي وَأَسْتَعْبِدُهُ " كورنثوس الاولى ٩:‏٢٧ زى انبوبة البوتاجاز لازم يكون لها منظم و الا اول ما تيجى تستخدمها تنفجر
قمع الجسد محتاج تدريب و محتاج قانون يومى و التدريب ده بنسميه فى الكنيسة القانون الروحى و ده موضوع الخدمة النهارده

القانون الروحى

كلمة قانون دى كلمة مش عربى لكن كلمة يونانى و تنطق ( كانون ) بالكاف و معناها باليونانى مسطرة مدرجة للقياس ولازم يكون فى حياتك اليومية قانون روحى تكون ملتزم بيه و من خلاله تقيس حياتك الروحية والقانون ده بيكون خاص بيك انت و لازم يكون بارشاد من اب اعترافك و بيشمل الاتى
الصلاة ( عدد صلوات الاجبية – عدد مزامير كل ساعة – صلاة يسوع)
القراءات ( الكتاب المقدس - الكتب الروحية )
الصوم الانقطاعى ( سواء فى اصوام الكنيسة او فى اصوامنا الخاصة يوم الاربعاء و الجمعة )
الميطانيات ( عددها و طريقة ادائها )
بس القانون ده لازم يكون حسب ما ربنا عاوز مش حسب راحتك لان عبادتك لربنا لازم تكون حسب كلام ربنا مش حسب ظروفك و خد لبالك ان ابراهيم لما كان رايح يدبح ابنه اسحق " فَبَكَّرَ إِبْرَاهِيمُ صَبَاحًا وَشَدَّ عَلَى حِمَارِهِ، وَأَخَذَ اثْنَيْنِ مِنْ غِلْمَانِهِ مَعَهُ، وَإِسْحَاقَ ابْنَهُ، وَشَقَّقَ حَطَبًا لِمُحْرَقَةٍ، وَقَامَ وَذَهَبَ إِلَى ‍الْمَوْضِعِ الَّذِي قَالَ لَهُ اللهُ " التكوين ٢٢:‏٣ يعنى حتى و هو رايح يدبح ابنه كان رايح فى المكان اللى حدهه له ربنا مش فى اى مكان قريب منه و خصوصا ان المكان اللى حدده ربنا كان بعيد " وَفِي الْيَوْمِ الثَّالِثِ رَفَعَ إِبْرَاهِيمُ عَيْنَيْهِ وَأَبْصَرَ ‍الْمَوْضِعَ مِنْ بَعِيدٍ،"التكوين ٢٢:‏٤ و مع ذلك نسمع واحد يقولك انا هصلى لما يجينى مزاج . صدقنى لو خليت صلاتك حسب مزاجك يبقى مش هتصلى ابدا
طيب واحد تانى يقول انا بزهق يبقى ازاى اعمل القانون ده ؟ و ازاى اقدر استمر؟
الزهق ده بيكون فى البداية لكن مع الاستمرار انت بتتعود و بيكون شيئ اساسي فى حياتك و لازم تقاوم الزهق و الكسل لان دى حرب من الشيطان و لازم تغصب نفسك على القانون ده
طبعا كلنا كنا مش بنحب المذاكرة لكننا كنا بنغصب نفسنا على المذاكرة عشان ننجح و طبعا كلنا مش بنحب نتعب فى الشغل لكن لازم نشتغل و نتعب عشان نجيب فلوس . اذا كنا بنغصب نفسنا عشان الامور الارضية التافهة دى يبقى ازاى منغصبش نفسنا على القانون الروحى عشان ندخل الابدية ؟

التعب ضرورى جدا فى طريقنا للحياة الابدية لاسباب كتير و منها ان احنا مش احسن من رب المجد يسوع اللى هو تعب عشان خلاصنا و ابديتنا "َالْحَقَّ الْحَقَّ أَقُولُ لَكُمْ: إِنَّهُ لَيْسَ عَبْدٌ ‍أَعْظَمَ مِنْ سَيِّدِهِ، وَلاَ رَسُولٌ ‍أَعْظَمَ مِنْ مُرْسِلِهِ." يوحنا ١٣:‏١٦" و كمان اوع تفتكر انك هتدخل الابدية و انت مرتاح او وانت نايم على السرير و فى يدك ريموت كنترول التليفزيون لان الكتاب بيقول "اُدْخُلُوا مِنَ الْبَاب ‍الضَّيِّقِ، لأَنَّهُ وَاسِعٌ الْبَابُ وَرَحْبٌ الطَّرِيقُ الَّذِي يُؤَدِّي إِلَى الْهَلاَكِ، وَكَثِيرُونَ هُمُ الَّذِينَ يَدْخُلُونَ مِنْهُ " متى ٧:‏١٣ و كمان لان المسيح قال ان الملكوت بيجى و انت بتغصب نفسك عليه زى الدواء المر " وَمِنْ أَيَّامِ يُوحَنَّا الْمَعْمَدَانِ إِلَى الآنَ مَلَكُوتُ السَّمَاوَاتِ يُغْصَبُ، وَ‍الْغَاصِبُونَ يَخْتَطِفُونَهُ " يبقى لاززززززززم نتعب و نجاهد و نكافح و نتحمل عشان الحياة الابدية و عشان نعيش مع رب المجد يسوع اللى احبنا للابد

لو عندك عربية و مش عايزه تمشى تعمل ايه ؟ تديها زقه عشان بطارية العربية تدور و عشان كده لازم تغصب نفسك على القانون الروحى عشان يدور موتور حياتك الروحية
الكتاب المقدس بيدينا امثلة لناس كان عندها قانون روحى و التزمت بيه بالرغم انهم مكانوش فاضيين
‍"سَبْعَ مَرَّاتٍ فِي النَّهَارِ سَبَّحْتُكَ عَلَى أَحْكَامِ عَدْلِكَالمزامير" ١١٩:‏١٦٤داود كان عنده قانون روحى للصلاة سبع مرات كل يوم مع انه ملكو كان متجوز اكتر من واحدة و ده معناه ان مسئؤلياته الاسرية و العملية كانت كبيرة جدا

"مَّا دَانِيآلُ فَجَعَلَ فِي قَلْبِهِ أَنَّهُ لاَ يَتَنَجَّسُ بِأَطَايِبِ الْمَلِكِ وَلاَ بِخَمْرِ مَشْرُوبِهِ، فَطَلَبَ مِنْ رَئِيسِ الْخِصْيَانِ ‍أَنْ لاَ يَتَنَجَّس" دانيال ١:‏٨ دانيال النبى كان عنده قانون روحى فى الصوم مع انه كان رئيس وزراء
ربنا مدح فى يوحنا المعمدان لانه كان انسان جاد فى كل حاجه "وَبَيْنَمَا ذَهَبَ هذَانِ ابْتَدَأَ يَسُوعُ يَقُولُ لِلْجُمُوعِ عَنْ يُوحَنَّا: "مَاذَا خَرَجْتُمْ إِلَى الْبَرِّيَّةِ لِتَنْظُرُوا؟ أَ‍قَصَبَةً تُحَرِّكُهَا الرِّيحُ؟" متى ١١:‏٧ الانسان المسيحى انسان ملتزم بقانونه الروحية و بمبادئه مش زى القصبه تهزها الريح فى اى اتجاه عشان كده اوع تخلى اى شيئ فى الحياة على الارض يعطلك عن القانون الروحى اللى بيوصلك للمسيح وخليك دايما فاكر الكلمة اللى قالها رب المجد يسوع لمرثا
"وَلكِنَّ ‍الْحَاجَةَ إِلَى وَاحِدٍ. فَاخْتَارَتْ مَرْيَمُ النَّصِيبَ الصَّالِحَ الَّذِي لَنْ يُنْزَعَ مِنْهَا". لوقا ١٠:‏٤٢ يعنى التزم بقانون صلاتك و عبادتك مهما كان الامر لاننا اذا كنا مع رب المجد يسوع يبقى احنا مش محتاجين اى شيئ و خليك كمان فاكر ان لو انت هتتقطع حته من جسمك لو صليت قوم صلى " لأَنَّهُ ‍خَيْرٌ لَكَ أَنْ يَهْلِكَ أَحَدُ أَعْضَائِكَ وَلاَ يُلْقَى جَسَدُكَ كُلُّهُ فِي جَهَنَّمَ." متى ٥:‏٢٩ قول لنفسك يعنى انام هنا و ما اقومش اصلى و اروح اهلك فى الجحيم
بارتيماوس الاعمى كان اعمى و كان على باب المدينة يعنى على الطريق السريع ووقع على الطريق اكتر من مرة و قام غصب نفسه وقاوم كل الظروف ووصل للمسيح و عشان كده المسيح فتح له عينيه و السؤال المهم هنا هل الاعمى ده كان هو الاعمى الوحيد فى البلد دى ؟ بالتاكيد لا لكن هو الوحيد اللى اتفتحت عينيه لانه غصب نفسه و راح للمسيح و هتلاقى قصته فى مرقس ١٠ : ٤٦

مجهود رائع

سلمت يداكى

» الجهاد الروحى
» الكسوف الروحى
» الكسوف الروحى
» الحاجة إلى السهر الروحى
» أنواع الفرح الروحى المسيحى