عندها مشكلة في الانجاب

انا خاطب و من فتره كتبت كتابي علي خطيبتي و من بعدها اصبح الكلام بينا مفتوح وعرفت ان الدوره الشهريه بتيجيلها علي فترات يعني ممكن ماتجيش شهرين او تلاته وكمان عرفت منها انها مشعره يعني عندها شعر في جميع مناطق جسدها ..سالت طبيب صديقي قالي ان عندها تكيس في المبايض وممكن تنجب وممكن لا انا مش عارف هل فعلا كلام الدكتور ده صحيح؟؟ولو كان صحيح اعمل ايه؟؟ وهل دي مشكله بسيطه ولا كبيره؟؟ بصراحه ارجوكم.. ولو كانت كبيره واحتمال انجابها بسيط هل من الافضل ان اسيبها واشوف غيرها ولا استمر معها في رحله العلاج التي قد تنجح وقد تفشل انا بحبها قوي وهيا بتموت فيا موت وانا مش في دماغي اني اكون اب بس ممكن لما اتجوز اكون نفسي في عيل يقولي يا بابا من فضلكم لا اريد كلمات الشعارات وخلافه انا عايز كلام واقعي يعني كل واحد يحط نفسه مكاني بالظبط و يقولي هيتصرف ازاي بكل صراحه.. و اشكر الجميع علي الاهتمام

التكيس على المبايض شئ بسيط وسهل وبتاخد علاج وبيضيع او عمليه صغيره وينتهى الامر صاحبتى كانت عندها نفس المشكله وحملت بعد 6شهور من الجواز اتكل على الله ماتخفش لانه التكيس مالوش دعوه بخصوبه المراه حرام تسيب واحده بتحبها عشان سبب وهمى

موضوع روعة بجد