قصة مش غريبة لكنها بتحصل فى اوقات كتير وهى الخيانة من اقرب الناس
ودة اللة اكتشفتة الزوجة على صديقتها المقربة وعلاقتها بزوجها كانت صدمة
قوية عليها ولا تعرف كيف تتصرف سوف نحكى ماجاء على لسانها هى
انا منهارة ومش قادرة اتكلم واحكى لحد انا متجوزة وعندى ابن عندها 5 سنين ونص
وطفل تانى عنده 5٠ يوم اكتشفت ان جوزى على علاقة بصديقة عمرى انا وهى
صحاب من اولى اعدادى لغاية دلوقتى هى لسه متجوزتش بسبب شخصيتها صعبة
وعنيدة هى كل ما تتخطب لواحد هو اللي يسبها بسبب اسلوبها وطريقتها فى الكلام
ومفيش راجل يستحمل كدا انا الانسانه الوحيدة اللي عرفتها وكملت معاها عشان بحبها
انا وجوزى واخدين بعض عن قصة حب كبيرة بنحب بعض من اولى ثانوى وبعدين
وانا فى تانيه هندسة هو اتقدم كان فيه رفض لاسباب شخصية من اهلى وبعدين فضلنا
٣ سنين نحاول واتخطبنا ٤ سنين وحياتنا كويسة انا عرفت عن طريق الصدفة كنت
سهرانه بابنى الصغير وزهقت خدت موبايل جوزى انا موبايلى ابنى الكبير يوم الولاده
واحنا فى المستشفى وقع منه انكسر وحاليا فى الصيانه مسكت موبايل جوزى فتحت
الواتس وبدور على شات اخته ابعتلها رساله لقيت فيه شات فى الاخر مؤرشف الفضول
خدنى وفتحت اتفاجأت انه رقم صحبتى فتحت الشات وانا مصدومه فضلت منهارة وهو
مفكرنى تعبانه وكل شوية يبوسنى و يقولى مالك يا حبيبتى انا فى صدمه لسه مواجتوش
ولا عملت حاجة انا بموت يوم ما اوجهة مش هقدر افضل عايشه فى البيت بعد ما يعرف
انى عرفت مش عارفة اعمل اية انصحونى من فضلكم
موضوع: زوجي على علاقة مع صديقة عمري 
السبت فبراير 23, 2019 8:47 pm
