طبعا انا مش هطول فى الموضوع لانة شبة معروف للجميع
كلنا نعرف المنتجات التى تباع عن طريق التلفزيون وكل شركة تقول انة منتج اصلى وهتشوف النتيجة كمان كام اسبوع
مثل منتجات التخسيس و الام الظهر والسعادة الزوجية وعلاج الصلع عند الرجال والسيدات وغيرها
طبعا انا اعرف اغلب الناس اللى اتصلت بيهم وفعلا وصل ليهم المنتج ودفعوا مصاريف الشحن وهما فى قمة السعادة
وطبعا السعادة معروفة سببها اية فكروا انهم وجدوا الحل لجميع مشاكلهم التى كانت تعيشهم فى حزن شديد فكل رجل
وسيدة عندة مشكلة يعانى منها ويبحثوا عن حل لها
واخيرا جاء الحل الوهمى
شركات كتير فكرت فى الربح المادى والضحك على الناس وباعوا ضمائرهم
لا يهمهم منفعة ولا سعادة الناس ولا ظروفهم الصعبة فكل واحد او واحدة عندة مشكلة كان مستعد ان يبيع ملابسة التى علية
فى نظير ان يجد حل لمشكلتة وفعلا ناس عملت كدة اللى باع واللى اتصرف واستلف وقال يمكن اجد الحل
وكانت الصدمة بعد الاتصال بالشركة المعلنة للمنتج ودفع مصاريف الشحن ووصول المنتج للمتصل
استمر فى استعمالة ايام واسابيع بدون فائدة اللى عايزة يخس فضل زى ماهو واللى عايز يخفف من سقوط الشعر
قبل الصلع فضل الحال زى ماهو واللى عايز سعادة زوجية ومحتار فضلت المشكلة زى ماهى يعنى
لا اجهزة التخسيس عملت حاجة ولا اعشاب التخسيس عملت حاجة ولا الاجهزة والبراشيم الخاصة بالسعادة الزوجية
عملت حاجة ولا الدهانات والرش لمنع سقوط الشعر عمل حاجة
وشربت الناس المقلب وخسرت الفلوس على الفاضى
عشان كدة انا بحذر كل رجل وسيدة لاتتصلوا بالتلفزيون ولا تشتروا مثل هذا المنتجات لانها من غير فائدة كل اللى اعرفهم
قالوا لى انهم اتخدعوا وشربوا المقلب وخسرنا فلوسنا
انا كتبت هذا الموضوع بعد ما شفت وسمعت عن حالات كتيرة انضحك عليها
ياريت تنشروا الموضوع لكل الناس حتى لا ينخدعوا ولا يشاهدوا القنوات التى عليها اعلانات كتيرة كدة
بل كل لما تلاقى قناة عليها اعلانات حول على قناة اخرى خالية من الاعلان لان القنوات بتشوف كم مشاهد شاف هذا الاعلان
عشان كدة كل لما بتكون تشاهد قناة فلم او مسلسل وجاءت الاعلانات حول ولا تستمر فى سماع الاعلانات عقابا لهم
ياريت من هذا الموقع الكريم ان ينشر هذا الموضوع ويهتم بة لتوعية كل الناس
واللى يعرف حد حصل معاة اى حاجة يقولنا عشان نوعى الناس
واخيرا اشكركم لسماعكم