متزوجة زواج عرفي

أنا شاب و عمري 30 سنة وحاسس دلوقتي اني لا يمكن اثق في اي بنت بحياتي ولا ممكن ارتبط بأي واحدة وبفكر بشكل جدي في الانتحار
لان مشكلتي بدأت من زمان اني كنت عايش في محافظة ساحلية وحبيت بنت الجيران وهي كمان قالت انها بتحبني لكن ظروف شغل والدي بعدما ما جاله عقد عمل في الخليج خليتنا نسافر وننتقل لمكان شغله وانا وقتها وعدتها ان اول ما تسمح الظروف هرجع واتقدم ليها
وبالفعل اول ما رجعت من بره اتصلت بيها لكن هي قالتلي انها نسيتني وانها بتحب واحد تاني انا ساعتها اتصدمت وقعدت افكر ليه انا كمان محبتش بنت تانية رغم ان كان في بنات كتير شكلا وخلقا وفيهم كل الصفات الحلوة قدامي وحسيت انها جرححتني واني انكسرت لاني فضلت احبها طول الوقت ده وهي بتحب شخص تاني
بس انا محاولتش اخلي الحزن يأثر عليا وكنت ناوي انجح اكتر في شغلي وكمان اعمل دراسات عليا اشغل بيها وقتي عشان مفكرش بيها لكني لقيتها فجأة بتتصل بيا وبدون اي مقدمات قالتليها انها لازم تشوفني
انا وقتها كنت هطير من الفرحة ونسيت كل اللي عملته فيا اول ما شافتني قالت انها لسه بتحبني وبتفكر فيا وان الانسان اللي عرفته ودخل حياتها ده اعتبرته نزوة بسبب بعدي عنها واتفقت معاها مرة تانية اني اتقدملها وجبت اهلي و عملنا الخطوبة وطبعا نفذنا كل طلبات اهلها من غير نقاش وجبنا الشبطة لالي طلبوها وكمان العفش و جهاز العروسة اتكفلنا بيه انا واهلي
لكن الصدمة الحقيقية كانت قبل كتب الكتاب باسابيع لاني كنت عندهم في البيت واخدهم الموبايل بتاعها عشان اعمل مكالمة من عليه وهي في الوقت ده كانت بتعمل شاي انا مسكت الموبايل و كنت بشوف الرسائل و المسجات عليه بس والله مكنتش حابب اتجسس عليها انا بس حبيت اعرف هي كمان بتحتفظ بالمسجات اللي ببعتهالها زي ما انا بعمل ولا لا المهم لقيت رسالة غريبة من رقم هي مسيفاه عندها باسم شاب مكتوب فيها  انا لسه بحبك وان اللي حصل بيننا مش مجرد علاقة عابرة وانها زوجته قدام ربنا
انا انصدمت جدا في الوقت ده ومقدرتش افكر واول ما لقيتها قدامي واجهتها بالكلام اللي في الرسالة قعدت تعيط وقالت حفهمك كل حاجة وقالتلي انها ندمانة جدا ومكسوفة مني وان هي اتجوزت اللي باعتلها الرسالة زواج عرفي وان هي معاه ورقة تثبت كده وراحت جابت ورقة فعلا من اوضتها وكانت عبارة عن ورقة من كراسة عادية مكتوب فيه رقم بطاقته وبطاقتها وانهم متجوزين وقالت انها انهت العلاقة دي وخلاص بالنسبة ليها لكن هو لسه بيطاردها
ولما سألتها وكنتي ناوية تخدعيني ازاي لما اعرف انك مش عذراء قالت انها كانت رايحة تعمل عملية ترقيع غشاء البكارة وانها ندمت وتابت بصراحة دي الحب الاول في حياتي لكن انا انصدمت صدمة كبيرة فيها واتمنيت ان علاقتنا تكون انتهت من زمان وتفضل صورتها الحلوة قدامي لكن هي شوهت نفسهها المشكلة اني مبقتش بثق في كل البنات وخصوصا دلوقتي في غشاء بكارة صيني وغير عمليات ترقيع اللي انا نفسي كنت حبقى واحد من الضحايا بتوعها
انا دلوقتي فسخت الخطوبة بس وبعدت عنها واهلي عايزين يعرفو السبب وبيضغطو عليا لانهم كانوا عارفين قد ايه انا بحبها بس خلاص انا بفكر في الانتحار لان صعب الواحد يعيش والدنيا مليانة غش وخداع بالشكل ده حتى من اقرب الناس لينا

طبيعى شعورك دة جدا نتيجة صدمتكفى واحدة تقريبا كانت كل حاجة فى حياتك بس الا مش طبيعى انك تعتقد ان كل البنات زيها صوابعك مش زى بعضهاوحرام انك تحكم على كل البنات كدة او انك ثقتك تنعدم فى التعامل معاهم انا بنصحك تروح لدكتور اكيد هيطلعك من الحالة دى والدنيا بتعلمنا وعلفكرة الغشاء الصينى الدكتورة النساء والولادة هتكشفة وهتعرف ان كان ملموس اولا لا لازم يتم كشف وتحاليل للزوجين قبل الفرح بس لازم تتخلص من صدمة الشك وعدم الثقة الا عندك لانها بالتايد هدمر اى علاقة هتدخلها