تزوج عليا من صاحبتي المطلقة

زوجي تزوج عليا صحبتي المطلقه من صاحبه ولديها طفل كنا سعداء مع بعض لحد ما دخلنا انا وزوجي في حل مشكلتهم لكن اطلقوا واكتشفت ان زوجي بيكلمها تليفونيا ولما واجهته قاللي انا متجوزها اعمل ايه اتعامل معاه ازاي انا عيوبي اني عصبيه جدا ومن ساعه ما حسيت بتغييره من ناحيتي عاملت البدع في كل حاجه حتي لما واجهته قاللي ان انا مفياش غلطه من سنه ونص بس بعد فوات الاوان واللي فهمته انه بسبب العصبيه ولما رفضت الجوازه دي بدا يجيب عيوب فيا ويبني عليها عيوب تانيه عشان امام الناس يبان برئ ويحلل الجواز كل قرايبه معايا حتي والدته وانا مش عارفه اعمل ايه جوزي ضاع مني ومع مين صحبتي خنجرين في ضهري كل ما يروح عندها النار تولع فيا مع ان كل اللي يروح يتكلم معاه يقوله ان انا المزايا اللي فيا اكتر بكتير بس اللي حصل بقي وانا عارفه اني احلي منها بس هيا مميزاتها انها كلامها حلو اوي طول الوقت عمال علي بطال مش زيي انا اوقات معينه وكمان ضحوكه جدا حتي يوم طلاقها من جوزها كانت فرحانه جدا انا عايزه ارجعه ليا انا حاسه انه بيحبها واللي بيقعد معاه بيقولي احنا بنحس انه عايزكم انتوا الاتنين

معظم الرجال يحبون التغيير حتى لو مش فيكى أى عيب وأنتى اللى غلطانه علشان بتصاحبى ناس واطيه وعينها على جوزك وأكيد كنتى بتحكى ليها عن الأسباب اللى عامله مشاكل بينكم وهى شاطره عرفت تضحك عليه وهى مش كويسه وهو هيرجع تانى ليكى وندمان إنشاء الله