[size=32]صباح الفل
ياست الكل
عنينا بتبص عليكى وتطل
إملى حياتنا ورد و فل[/size]
[size=32]صباح الفرحة يا أم النور
و يومنا أحلى من الزهور
هيبقى أروع بالظهور...[/size]
[size=32]ظهورك بالنور والبخور[/size]
[size=32]صباحنا دا صباح مش عادى
دا صباح م العدرة أم الفادى
صباح سمعنا صداه فى الوادى
متلون بلون بلادى[/size]
[size=32]صباح ملون شكله جميل
صباحنا زيه مالهش مثيل
وللا عنه هنقبل بديل
ولا حتى فى المستحيل[/size]
[size=32]صباح النجمة البدرية
أمى الحمامة النورانية
نورها أشرق فى الفجرية
فإنقشع ظلام البشرية[/size]
[size=32]صباح يخلى الأعمى يصيح
والمشلول يجرى يسابق الريح
والتعبان يهدى ويستريح
بلمسة من ايد المسيح[/size]
[size=32]او لمسة من أم الأله
تقدر تخلق م القبر حياه
تنجد غريق بطوق نجاه
فيسبح المسيح فى علاه[/size]
[size=32]صباح يشرق على الأشرار
صباح نوره فاق نور النهار
صباح يطهر كل آبار
يفتح كل ورود وأزهار[/size]
[size=32]صباح بيقول ربنا موجود
على قلب الكل ياناس بيسود
صباح أقوى من صوت أسود
أقوى كمان من صوت الرعود[/size]
[size=32]صباح طاير من السموات
يفك عننا كل ضيقات
تزول معاه كل الآلامات
فنرجع بالصوم والصلوات[/size]
[size=32]صباح جميل غالى وثمين
صباح يفرح كل حزين
نشوف معاه القديسين
و فرحنا هيدوم لسنين[/size]
[size=32]قصيدة (صباح السرور لأم النور)
[/size]