اية هيكون احساسك ساعتها ؟!

اية هيكون احساسك لما تخسر اعز انسان كان فى حياتك

كان بيقف جنبك فى اللحظات اللى الناس اللى انت عايش معاهم مش بيساعدوك

كان هو بيجرى عليك ويتصل بيك ويسال عليك ويقوالك هاتلى جدول مواعيدك

عشان لما تتاخر ابقى عارف انت فين وجاى منين وكنت عند مين

فضل معاك لحد ماخرجت من مرحلة الى مرحلة فضل معاك من وانت عيل فى ثانوى

لحد مابقيت فى كلية خالك بتعرف تروح وتيجى رغم انك ماتعودتش على كدة من وانت صغير

كان يقوالك انا علطول فى دهرك اعمل اللى انت عاوزه بس يكون صح ومايزعلش ربنا

واللى هيقوالك لالا انا اللى هكون فى دهرك وادافع عنك

كان لما يحس انك زعلان كان يجى يشد الكرسى ويقعد جنبك

ويقوالك هو انت زعلان لية ؟ من ناس شايفة نفسها احسن من الكل

دول مايتزعلش منهم دول يتزعل عليهم

ويقعد جنبك لحد ماتتضحك وترجع تهزر معاه تانى

وفجأة فى يوم تصحى على صوت عياط وصريخ وهما بيقولوا ان الشخص دا سافر للسماء خلاص

طيب بيبقى تفكيرك اية انك مش هتشوفه تانى ؟ ولا عشان هيقطع بيك ؟

ولا عشان كان احن انسان عليك من الناس اللى انت كنت وسطيهم ؟

ولا زعلان عشان هتبطل تحكى همك لحد وهو يسمعك ؟

ولا علشان هتفضل كاتم فى روحك بعد كدة ومحدش هيسمعلك ؟

وبتفضل قانع نفسك انه ماراحش منك رغم ان الواقع اللى قدامك بيقول غير كدة

خايف تروح تبص عليه احسن تعرف انه مات فعلا

رايح تبص عليه وكأنك بتعاتبه وبتقوله انت مشيت لية ؟

ورغم ان الكل بيعيط وبيقول مش هنشوفه تانى

بس انت كنت شايفه قدامك بيقوالك انا حاسس بيك

وعارف انك اكتر واحد هيفرق معاك فراقى

ماشى وانت محروق من جواك ان دا مش اول حد تتعود عليه وعلى انه جانبك علطول

وتلاقيه مشى من غير ميعاد

عن احساسك لما خلاص تسمع الصلاة عليه ومن جواك عرفت انه مات وانك كنت بتوهم نفسك

عن حرقة قلبك لما تشوفهم خالص بيدفنوه وقدام عينك خلاص الصندوق دا بينزل تحت الارض

عن احساسك لما الانسان اللى اتعودت تحكيله حاجة وانت قاعد فى اوضته وعلى الكنبة

ودلوقتى لما تروح تحكيله هتحكى فى قبره على الارض وانت بتعيط

لانه ببساطة وحشك

روعة جميلة جدا يا كوكي

نورت يامحمد

احساس لا يوصف

رووووووووووووووووووووعة

» +++سجل احساسك بكلمة+++
» مصاب بفشل كلوى دون احساسك