بطاقة تعارف لاعضاء ومشرفين المنتدى

سلام ونعمة

كل سنة وكل الاعضاء والمشرفين طيبين وبخير بركة صيام السيدة العذراء تكون معنا جميعا

فكرة الموضوع خطرت على ذهنى وهى اننا بنقضى وقت كبير فى المنتدى بنحكى ونتناقش بنستفيد كتير من اساتذتنا فى المنتدى والاعضاء اصحاب المكانة الرفيعة
واحيانا بنفيد عن طريق طرح موضوع للنقاش كلنا بنتحاور ونطرح وجهات نظرنا الكبير بيفيد الصغير والصغير بيستفيد من الكبير وبتكون فى علاقة جميلة ونقاش رائع بمحبة وود
بشعر ان المنتدى زى الكنيسة الصغيرة على جهازى بكل ما يحتويه المنتدى من مواضيع روحية واجتماعية وترفيهية
احيانا وبدون ما نشعر بيدخل علينا عضو جديد بيكون فى حالة ضيق ووحدة وبيلاقى كنيسة صغيرة واخوة واخوات بيلجىْ ليهم للاستمتاع بوقت فراغه معهم ودا حصل معايا انا شخصيا

وعلشان نكون اهل واسرة واحدة ونكون كلنا زى عيلة وكنيسة الكترونيه صغيرة فكرت اننا نعمل فكرة بطاقات تعارف .. بمعنى انه مينفعش نتكلم ونحاور بعض ونحل مشاكل بعض احيانا واحنا نجهل الاشخاص دول هما مين؟؟
وكمان بتكون محرجة انى اسأل احد الاعضاء كام عمرك مثلا ولا من اى محافظة او مجال دراستك

كل عضو هيطرح عن نفسه سماته .. سنه ... حالته الاجتماعية .. المواضيع اللى بيحب يكتب فيها ... اللى بيحب يقراها ... هوايته .. مجال عمله ... او دراسته

واى حاجه ممكن تحبوا تضيفوها واى حاجه محرجة ومش حابين تكتبوها بلاش
اقل حاجه نبقا عارفين اعمار بعض وبعتقد دا الطبيعى كاسرة بنقضى وقت طويل مع بعض فى المنتدى مستحب يكون فى تعارف بشكل اوضح

يارب الموضوع يعجبكم ونشارك كلنا لكى تكون علاقتنا ببعض اكثر ترابط

تسلمى يا قمر

شكرا علي الطرح الرائع

تحياتي

موضوع جميل جدا

بارك اللة فيك

» سجل دخولك المنتدى كل يوم
» تعارف الشباب والفتيات عبر الإنترنت
» تعارف الشعوب بين البرّ والقسط وبين الموادة
» اصنعي بطاقة "عيد الحب" بيديكِ
» شجرة عائلة المنتدى.....