انا محرج من كتابة مشكلتي بس هي مسببالي ازمة نفسية كبيرة انا في التلاتينات واتجوزت من 8 سنين وعندي ولد وبنتين والمشكلة هي مراتي وتحديدا العلاقة الزوجية و الجماع طبعا دي رغبة طبيعية عند اي انسان ومن واجبات الزوجة على زوجها بس هي مش راضية تعترف بده
ومن اول يوم اتجوزنا وكل واحد فينا في وادي لوحده وكل ما اقرب ليها بتحسسني اني بغتصبها او بعتدي عليها وان عملية الجماع تعذيب مش اكتر انا حاولت اتكلم معاها لكنها اتجاهلتني وااضطريت اشتكيها لوالدها وكمان عرفت واحدة تقدرو تقولو عليها بنت ليل بس انا مش راضي عن نفسي وحاسس بتعذيب ضمير طول الوقت انا كنت فاكر ان سبب البرود الجنسي وكل ده ان مراتي عندها مرض نفسي مثلا او بتكرهني ولما سألتها برضه سكتت واول ما ابوها كلمها عن الموضوع ده بينه وبينها بقت بتعاملني على اني غريب عنها حتى في ابسط الامور مش المعاشرة الزوجية بس لدرجة اني اتعصبت ع الاخر وقولتلها اني نمت مع بنات وارتكتب الزنا مع اكتر من واحدة وهي طنشت ولا اثر فيها كل كلامي
انا مش عارف اتصرف ازاي وهي ولا بتفكر في الطلاق وانا مقدرش اتجوز واحدة تانية كفاية مصاريف البيت و الاسعار ولو اتجوزت هحرم عيالي من حاجات كتير وانا مش عارف كمان اتصرف مع البني ئادمة مراتي دي ازاي وهي كل الي بتعمله انمها فاكرة نفسها جهاز في البيت وظيفته بس الغسيل و الطبخ والنضافة ولالمذاكرة للاولاد غير كده مفيش ولا حتى كلام بيننا زي اي اتنين متجوزين
بس كمان انا عرفت من امها انها كانت بتحب ابن خالها وابوها رفض يجوزهم لبعض وابن خالها سافر بعد الموضوع ده بره مصر وبعدها ابوها اجبرها اننها تتجوزني انا حاسس دلوقتي انه مغصوبة انها تعيش معايا وممكن يكون البرود الجنسي ده سبب حبها لابن خالها مع ان الموضوع قديم جدا بس ممكن يعني حبها ليه يستمر حتى بعد ما جابت اطفال مني ولو فعلا كده انا اتصرف ازاي وانا مش عايز اخسر عيالي كمان ولا اظلمهم بيني وبين امهم بسبب الموضوع ده
انا مش عارف اعمل ايه بجد ومش عايز اغرق في الحرام وخايف جدا