(ينبوع ماء ينبع الى حياه ابدية )

+ سلام ونعمة +
اذيكم يا احلى اعضاء
الموضوع ببساطة انى بقالى فترة حاسة بحزن شديد وبقاوح مع نفسى واقول بكرة هبقى كويسة
وللاسف كل يوم الحزن بيزيد وده لانى بعيده عن ربنا وبطلت اصلى واقرا الكتاب المقدس
لان الفرح الحقيقى والسعادة معاه هو بس
مش هنلاقيها غير بالعشرة مع ربنا والقعدة معاه
والكلام وسماع صوته من خلال الكتاب المقدس
وهو ده اللى بيدينا السلام والتعزية
وبيخرجنا من احزاننا
ربنا بعتلى جون اخويا الغالى اللى دايما بيفتقدنى
لما يحس انى زعلانة او مخنوقة ويبعتلى صور معزية وايات جميلة
وهو اللى لفت نظرى ان حزنى ده بسبب بعدى عن ربنا لانه دايما
بيسألنى صليتى يا رورو اقوله بقالى فترة مبصليش
بس ربنا حنين وبعته ليا فى الوقت المناسب
واتفقنا ان انا وهو نبدأ نقرا فى الانجيل ونشجع بعض
وجاتلى الفكرة اننا ليه منشاركش بقيت اخواتنا اللى اكيد محتاجين حد يشجعهم زينا
وكلنا نمسك بإيد بعضنا ونبدأ مع بعض
وربنا قال من اجتمع اثنان او ثلاثة بإسمى هناك اكون فى وسطهم
ومن هنا فكرنا اننا هنبدأ نقرا فى الانجيل العهد الجديد
حاجة سهلة هناخد كل يوم اصحاح واحد
مش هياخد من وقتنا كتير محتاجة كل اخواتى يشاركوا معانا
ونقرا كلنا
اللى هيشارك معانا يسجل دخوله فى الموضوع ويقول هشارك
اتمنى كلنا نشارك فى الموضوع
وكمان يوميا كلنا هندخل
نكتب ايه من الاصحاح اللى هنحدده
ونتأمل فيها كل واحد يقول الايه دى لمسته فى ايه
يعنى دخولك وكتابتك للايه هو حضورك يوميا فى الموضوع
يلا يا اخواتى نبدأ ورب المجد يكون معانا كلنا
صلوا من اجل ضعفى

تسلم ايدك موضوع روووووووووعة