فتاة تحتفل بعيد ميلادها فى الشارع

إيمان
كثيرا ما تصادف فى طريقها وجوها عابسة حزينة؛ فالأحداث السياسية المضطربة والاقتصاد المتهاوى والسياحة المتوقفة لأجل غير مسمى.. جميعها أضفى كآبة على وجوه المصريين دفعت شابة عشرينية إلى الاحتفال بعيد ميلادها فى الشارع لتضفى من خلاله السعادة على نفسها وعلى كل من يتصادف مروره فى ذلك الوقت.
أمام الـ«تاون هاوس» ومسرح روابط فى وسط البلد، قررت إيمان نضال الاحتفال بعيد ميلادها، الذى كان مقررا أمس، لكنها أجلته لوجود مهرجان غنائى فى نفس المكان والتوقيت. وقررت أن تكون الدعوة عامة لجميع المارة فى الشارع: «حبيت أعمل عيد ميلادى بطريقة مجنونة، فقررت أعمله فى الشارع وعزمت الناس كلها اللى أعرفها واللى ما أعرفهاش، علشان الناس تتبسط، نضحك ونفرح ونرقص شوية، وننسى النكد». المكان المقرر إقامة الحفل فيه هو شارع حسين المعمار، المتفرع من شارع محمود بسيونى بمنطقة وسط البلد، وهو ليس المكان المفتوح الأول الذى تختاره «إيمان» لإقامة حفل ميلادها فيه، تقول: «السنة اللى فاتت اخترت ميدان عابدين، واحتفلت بميلادى خلال احتفالية (الفن ميدان)، ومن بعدها اشتركت فى مهرجان (حل بديل) اللى تمت إقامته قدام تاون هاوس ومسرح روابط، كانت حاجة فنية، عبارة عن أغانى وفرق والناس اتبسطت، من هنا جاتلى فكرة الاحتفال السنة دى، إن الميلاد يكون مناسبة ثقافية شبابية أكتر».
تأجيل عيد الميلاد دفع «إيمان» إلى توسيع الفكرة: «هادعو كل اللى عيد ميلادهم فى أكتوبر ييجوا ويحتفلوا ويفرحوا مع الناس فى الشارع، عن نفسى عاملة حسابى فى سماعات ونور، وكل حد من أصدقائى تبرع إنه هيعمل كيكة أو جاتوه أو حاجة فى البيت، عاوزين نغنى ونفرح ونضحك من قلبنا».

سلمت يداكى

شكرا

ثانكس

رووووووووووووووووووعة