بسم الله الرحمن الرحيم الحمد لله انا متزوجه من 4 شهور وزوجى يحبنى وكريم معايا وبيدلعنى فى الحياه عموما لكن من اول الزواج اول حاجه بيعملها وقت الزواج هو الايلاج وبعد ذلك ممكن يقوم بالمداعبة بس انا مش بحس بشىء غير انى بكون مبسوطه انه مبسوط وخلاص ينتهى الجماع بالقذف هو دة اللى انا اعرفه عن الجماع …. هو متنوع فى الاوضاع بس انا مش بحس بأى اثارة او انزال او اى شىء انا فقط مبسوطه من الوضع الجديد اللى اى بنت بتكون فيه بعد الجواز
دخلت على النت وقريت ان فى رعشه للجماع و ان المتزوجه بيكون عندها قذف ايضا وقريت ان السبب المداعبه وانا اتكلمت مع زوجى انه لازم يفكر فيا لانى مش بحس بأي اثارة ومرة او اتين يبتدى بقبلات بحس انها مصطنعه منه ويحصل جماع وبردوا مش بحس بأى حاجه ويرجع زى الاول بالظبط اول حاجه عندة فى الجماع هو الايلاج لدرجه انى بقيت مخنوقه انا مش عارفه اذا عندى طاقه جنسيه او لا
للعلم انا لاحظت انه مش بيهتم بنوع ملابسه قدامى ممكن يلبس وحش او مش بيحط برفان (للعلم هو نظيف ) او سعات كتير مش بيقلع كل هدومه بس المقابل انه بيكون عايزنى هيفاء وهبى واى اهمال منى يعلق وممكن يزعل
انا لو شوفت شخص يقبل او يحضن اى انسانه بحس بأثارة كبيرة جدا مع ذلك مش بحسها مع زوجى
حد يقولى اعمل ايه ؟؟؟ انا بفكر ارجع افتحه فى الموضوع تانى بس اكون اشد فى الكلام واقوله انا مش مبسوطه فى علاقتى معاك ؟؟؟
عذرا على صراحتى واللى هيقدر كلامى المتزوجين لان مش بنعرف نحكى لاى حد حتى اقرب الناس لكن ممكن نحكى ونتكلم بأسماء مستعارة ونرجوا منكم استشارة طبيه مشكورين الله يبارك فيكم يارب