انا عمري 23 متزوجة بعد علاقة حب دامت 4 سنوات بعلم الاهل لكلا الطرفين وكان كل شي تمام وزي العسل , قبل سنة اكتشفت انه بتكلم ع النت وي بنت بامور جنسية وصار بينا زعل وفراق وبعدها سامحته, واحد الاسباب كان انه انا ماكدر البي له هالشي لان احنة مابينا اي ارتباط رسمي.. تعدت الايام وتمت الخطوبة والي تأخرت بسبب رفض اهله الي وبعد ان قنعهم , تزوجنا والحمدلله في هذه السنة وكان للاهل شروط هواي وانا وافقت عليها لان احب زوجي, المشكلة انو بعد مامر تقريبا اسبوعين على زواجنا اكتشفت انه بيخوني وي وحدة ومن هنا بدأت مشاكلي, انا تدمرت نفسيتي وتعبت وماكنت طايقة اشوفه ابد وواجهته بالبداية نكروبعدين اعترفلي وظل يبكي ويعتذر واستمر حالنا لمدة اسبوعين يومية بكاء واعتذار واخر شي طلبت الطلاق وراد ينتحر ويخبرني انو مستحيل اسوي هالشي وطلب مني اعطيه فرصة يعوضني, انا ماعطيتة بس ماكنت اكدر اطلك وانا بعدني ممكملة شهر من زواجي ومن بعد قصة حب وشخص انا اختاريته. من جهة ثانية بدوا اهله يضغطون علينا ويتحكمون بلبسي وتصرفاتي وبدت مشاكلهم ويومية مشكلة. وجهة اخرى هو حاليا بأزمة مالية لان الزواج كلفه هواي ولسة مرتبط بقسط ومصاريف, فخبرني انو اعطيه مهلة كم شهر حتى انا اتخرج من الجامعة وهو شوي يوكف ع حيلة من الناحية المادية وناخذ شقة لوحدنا ونرتاح من المشاكل.. بس انا ماكادرة اسامحه ولا انسى الاذية الي انا بيها وكلش مامرتاحة حاليا وداتعذب يومية. لان مشاعري وقلبي يخلوني الجأ اله لان احبه موت,, بس عقلي والواقع يرفض هالشي واعرف انو هو ما ح يتغير نسونجي ودائما الكذب ع طرف لسانه رغم حبه الي وهسة انا ماعرف شلون اتصرف وشو خطوتي الجاية